Ex-minister’er jabaso nisung tepsetba atema aitsüogo

Imphal, January 6 (Agencies): Taoba Congress minister aser tang teinyakdak BJP lenir N. Biren’er jabaso Nongthombam Ajay-i Irom Roger March 21, 2011 tepsetba dak sendakba ken o nung Manipur court-i pa aitsüogo.
District aser Sessions judge M. Manoj-i pa indang kuli rizünga yuogo. Tapet temerenshi January 11 nung sangdongtsü.
Court-i iba kuli agütsüba sülen pa jail-i yok, aser obendang agitsü atema sen temenok agütsür anitet.
Police aser jail nung inyakertemi Ajay obendangdak nungi adokdang kümzüka ayutsü asoshi kanga tasak liasü, kechiyong nisung aikati ata-a lir pa dak azüktsü asoshi nungtepa aru.
Biren ya kanga tashitait Congress minister ka liasü. Iba lendong ya Tulihal international airport anasa atalok.
Iba tatalokba nung lanur telok ana densema liasü, kong Bengaluru, Karnataka nung Class 12 nung azünger Roger injang agi kahset.
Lokit-i akhangba tashi mekoki Ajay aser lanur pezüi parnok den külemi nisung tepsetba hatir aser jeep ka koba nung parnok mener senzüa liasü, item osettem police nem bendanga agütsü.
CBI-i iba ken o ya May 9 2011 nü agizüka ayu.