Excise Department-i temesepba yi apu

Dimapur, Tsüklai/February 27 (TYO): Tang state-i ozüng alema yi bener aitba nokdangtsü asoshi inyaktepba mapang ka nung State Excise Department kübok Narcotic Cell, Mobile Squad aser District Excise Dimapur-i, February 26 nü National Highway 29 tesemtem, Signal Bosti aser Industrial Village temeket meitaogo. Meita aoba mapang parnoki IMFL (Rum, Whisky, Vodka, Beer, Gin, Breezers etc) bottle 1047 apu aser NLTP Act 1989 kübok item yi ayoker asem nem tapet section kübok temerenshi agütsüogo, ta ketdangser sangdong ka ajanga metetdaktsü.
Kasa anogo Excise Checkgate, Chumukedima nung taxi nung mena alir ka ket nungi IMFL Mc Rum(750 ml) bottle 120 puogo. Ketouselie AIE (Mobile Squad) lenisüba kübok checkgate duty party nung Imlisunep HC, Supong HC, Anungla L/Constable, Chingyak, Tsariba, Chingdang, Alichem (ajak Constables) densema liasü. Checkgate ajak nung state kübok aser state adena orr shibelenba maparen balala nokdangtsü asoshi ketdangsertem tali kümkümshia atadar, ta Commissioner of Excise, Nagaland; Dimapur, Tarep Imchen-i sangdong ka ajanga metetdaktsü.