Excise Directorate Dimapur nung Khristmas jeli sentong agi

Hokolbarnü Excise Directorate, Dimapur nung Khristmas jeli sentong nung DABA Sannüker, Rev. I Wati Jamir-i cake arangdang agiba noksa angur.

 Dimapur, December 11 (TYO) : Hokolbarnü Excise Directorate pur Khristmas jeli sentong ka ayongzüka agi aser iba sentong nung Commissioner of Police, Dimapur Liremo Lotha-i anir ketdangsertem aden.

Iba sentong nung o jembirji DABA Rev. I. Wati Jamir liasü aser pai ashiba agi Khristmas ya pelatepba benjungmung ka dang masü saka Tsüngrem den tesentaktep yanglutsüba mapang ka lir.

Asen taküm nung Yisu Khrista den mapang peria endoktsüla, ta paisa tesentepertem ayongzük.

Iba sentong nung Rev. I Wati Jamir-i Khristmas cake ka rangsaa benjung lapoktsü.

Sentong nung Commissioner of Excise, Maria Yanthan-i tesentepertem pela agizük aser Commissioner of Police, Dimapur Liremo Lotha o DIG, Central Range, Assam Buruah, IPS nati o tatsütsü jembi.