Excise enforcement party-i mozü aika apu

Dimapur, October 28 (TYO): October 27, 2015 nü Excise Narcotic Cell enforcement party-i Rio Colony, Dimapur nung Spasmo Proxyvon süngjang 1000 aser Nitrosun süngjang 20 ngutetogo, ta Visedelie Mepfuo, Dy. Commissioner of Excise (NC)-i sangdong ka nung metetdaktsü.
Iba dak sendakba nung nisung ka apu aser laji Wakibur kinungtsü Smti. Mapio Begum lir ta jangjaogo.
Excise enforcement party nung Tiameren AIE, Chingten AIE, Yekuto H/c, Khriesizo H/c aser constable tem – Pongyong, Pangjung, Shikaho aser Mrs. Merila nungertem liasü, ta sangdong nungsa shia lir.