Excise ketdangsertemi ganja shibelener ka apu

Kohima, February 15 (TYO) : Hombarnü Khuzama Excise Check Gate, Kohima nung Excise ketdangsertemi ganja seret 49.5 apu.

Ganjaji Purana Bazar, Dimapur nung alir Moayanger Jamir ket nung bena lia apu, ta Excise Department-i metetdaktsü.

Khuzama Inter State check gate nung tanep 7:30 ako meta Excise sepaitemi nija gari ((NL 08 1036) nung ganjaji apu.

Parnoki gariji anenang ta sot saka gariji maneni air jena ao, saka Excise personnel Zaselatuo, Vekuto o Nganvang nungertemi gariji arrshia orr Khuzama yim anasa apu, ta Excise osang ka ajanga ashi.

Parnoki gariji lapoker mita reprangdang, ganjaji gari telung nung miima yangluba oset abenba taktang balala nung enoka liasü. Excise ketdangsertemi gari anir Moayanger apu aser Superintendent of Excise Kohima office-i anir ao.

Excise osang ajangasa ashiba agi, Moayanger-i ganjaji pa indang ta nangzükogo aser paisa ashiba agi pai Senapati, Manipur nung ganja seret ka nung sen 700 agi alizük ta ashi.