Excise (Narcotic Cell)-i IMFL aser beer apu

Dimapur, November 05 (TYO) : September 27, 2016 nü Excise (Narcotic Cell) nungi Inspector tem Kakiho Yeptho, Apong Phom aser Shihai Yeptho nungeri anir excise parnok nisung 12 dener Blue Hill tesem nung aliba Hotel o Restaurant tem aser Circuit House colony aser Nagarjan junction tem nung ajungbena mita reprangba mapang IMFL pongdang 150 aser beer pongdang 404 apu, ta Superintendent of Excise (NC) Dimapur, Nagaland, S. Chanlei Angh-i sangdong ka ajanga metetdaktsü.
Iba dak sendakba nung nisung 21 pua NLTP Act ’89 ozüng nung aliba ama merenshiogo, ta sangdong nungsa shia lir.