Excise purtemi ita trok nung sen lakh 25 enoktsü

Dimapur. July 17 (TYO) : Dimapur nung taoba ita trok tsüngda Excise purtemi ozüngi memelaba shibelenertem ket nungi ganja seret 160, kani seret 3.5, SP/RP mozü süngjang 6968, yi pongdang 50333 puogo aser item nung jagi aruba senchi sen Rs.25,35,500/- sorkar senpong nung enoktsüogo, ta tanü sangdong ka nung DC Excise (HQ) Wb.L.Wati Jamir-i metetdaktsüogo.
Item ozüng anema inyakba ken o ajakji okadak benoka lir aser pua aliba machimajemtsütemji district administration, Magistrate, police, DMC aser Arogo nung lenirtem lia raksaa endokogo, ta paisa metetdaktsü.