Excise purtemi mozü süngjang apu

Dimapur, Nov. 28 (TYO) : Hokolbar anepdang yakta Excise Narcotic Cell purtemi ozüngi memelaba shibelenertem mita aoba mapang Half Nagarjan aser Burma camp nung nisung ana ket nungi ozüngi memelaba Spasmo Proxyvon mozü süngjang 1130 aser Nitrosun süngjang 22 bena lia putetogo.
Iba maparen nung Excise purtemi nisung ana tenüng agi ka Islam (27) aser ka Khehugha ta pua lir. Item ozüngi memelaba mapatem anema inyakertemji Excise department nungi Wb.Tiameren (AIE)-i anir Nocha Jamir (AIE), Ikiho H/C aser constable jenjang nung Shikaho, Chumbenthung, Kuputo aser Vitsathrong nungertem liasü.