Excise purtemi SP süngjang 17,904 apu

Dimapur, October 17 (TYO) : October 16, 2015 nü Chumukedima nung Excise Narcotic checkgate duty teloki Imphal-i aoba bus gari ka nung Spasmo Proxyvon süngjang 17,904 apu.
Guwahati nungi aruba bus gari (MN01-1735) nung ozüng anema shibelenba mozü apu aser iba dak sendakba nung nisung ana apu, ta Visedelie Mepfuo, Dy Commissioner Of Excise (NC) Nagaland, Dimapur-i sangdong ka nung metetdaktsü.
Nisung anaji East Imphal, Manipur nung Sangomsubam Md. Hesomuddin’er jabaso Md. Altab aser Imphal East Manipur nungi Abdd Maneb’er jabaso Md. Mote na jangjaogo, ta sangdong nungsa shia lir.
Chingten AIE lenisüba kübok Excise Constable tem – Yekuto WC, Khriesizo WE, Nyingpen, Shikaho, Vitsathrong & Pongyong nungertemi mozüji Sudh Atta packet 4 nung miimbanger bena aliba apu, ta Visedelie Mepfuo-isa metetdaktsü.