Excise purtemi tamachitsü mozü apu

Dimapur, Sept. 29 (TYO) : Excise Narcotic Cell purtemi Dimapur nung September 28 aser 29, 2015 anogo nung ozüngi memelaba mozümora ayokertem mita aoba mapang, tesem anasü nung Spasmo Proxyvon süngjang 932 aser Nitrosun süngjang 104 apu. Iba maparen nung nisung ana tenüng agi ka 7th mile Dimapur nung alir Adeno Awomi aser ka Supply Colony Dimapur nung alir Pongsaba Kichu na pur tepuokdak yua lir.
Iba mapa ya Inspector Kakiho aser Shihai nati anir takok ngua inyakba mapa liasü ta D.C. Excise sangdong ka ajanga metetdaktsüogo.