Exhibition asaya nung KBA-i ASU Seniors akok

Kohima, October 18 (TYO): 18buba NSF Martyrs Memorial Trophy nung shilem ka ama ASU Senior FC aser Kohima Bar Association (KBA) na tsüngda football exhibition match ka asayaba KBA pur-i kokogo.
Mapang atakzüker asayaba minute 70 tembangba tashi nung telok anapronglai goal 1-1 dang idaktsütet, aser iba sülen tie breaker asayaba nung KBA pur-i 3-1 agi akok.
Asaya nung mezüngbuba goal ya minute 17buba nung KBA nungi asayar Vikyato-i idaktsü aser iba sülen ASU Seniors pur atema goal ya minute 53buba nung penalty ka ajanga Dievi Yano-i idaktsü.
Tie breaker asayaba nung ASU Seniors team-i goal ka dang idaktsütet saka KBA pur-i ponguben metsüba nung asem idaktsü.
Jurila sempet agütsüba nung KBA nungi asayar Keviselhou Sekhose-i golden glove aser Vikyato o Dievi Yano nati golden boot award angu.
Iba asaya nung KBA tir Khriedi Theünuo tetushi tesemdanger asü aser pai sempettem lemtsü.
October 19 nü exhibition asaya yamai alitsü:
Angami Students’ Union vs Angami Youth Organizations @ 10:00am.