Exit Poll: UP, Uttarakhand aser Goa nung BJP jenjang tajungba asütsü

Assembly Elections Exit polls 2017: Uttar Pradesh, Uttarakhand aser Goa nung BJP jenjang tajungba asutsü aser Punjab nung Congress o AAP jenjang tajungba asutsü.

New Delhi, March 09 (Agencies): State pongu- Uttar Pradesh, Uttarakhand, Punjab, Goa aser Manipur nung Assembly election agiba indang exit poll osang Brihostibar nikongdang sangdongogo.
Exit polls balala aika ajanga Uttar Pradesh, Uttarakhand, Goa aser Manipur nung BJP jenjang tajungba asutsü amai asadangteter aser Punjab nungbo Congress o AAP na rongnung ka jenjang tajungba asutsü ta asadangteter.
Uttar Pradesh nung shingaia majority mangutsü saka single largest party ji BJP asütsü ta asadangteter.
Exit poll pezüi UP nung BJP-i menden timba nguaka shingaia majority mangutsü ta asadangteter aser exit poll anatibo state nung BJP-i takok angutsü, ta asadangtetogo.
Ano exit polls aikati Punjab nung Congress o Arvind Kejriwal’er party AAP na rongnung kati sorkar akumtsü ta asangdangtetogo.
Exit polls aikati Uttarakhand nung BJP-i sorkar akumtsü ta asadangtet aser Goa nung parnoki menden timba angutsü saka majority bo mangutsü ta asadangtet.
Exit polls ajangasa Manipur nung Congress aser BJP nati menden atongtepa angutsü ta asadangtet, aser poll aika külemi asadangba agi, Manipur nung Congress-i menden 26 aser BJP-i menden 24 angutsü ta asadangteter.
Item state ajak nung March 11 nü vote azüngba sülen election osang sangdongtsü.