Expenditure Observer-i election nung sen indokba asadang

Dimapur, Rongchii/April 8 (TYO): Expenditure Observer, L.P. Singh, IRS, shiba nem Nagaland Parliamentary Constituency nungi House of the People atema candidate tem indang election nung sen intokba asadangtsü asoshi nongloktsüogo, pai Commissioner indang Conference Hall nung April 8 nü account asadangba tatembangbuba aser 3buba round nung sen indokbatem asadangogo.
Iba maparen ya pai Election Expenditure Monitoring atema Nodal Officer & Under Secretary, Border Affairs &, RO Office, Zuring Madeliang aser Election Expenditure Monitoring atema Nodal Officer & Asst. Commissioner, DC Office Kohima, Vineet Kumar, IAS nunger matsüngda inyaka liasü.
‘Inspection of Accounts’ kübok Commission-i tuyuba ama election ajak atema election nung senotsü indokba expenditure observer-i asadangba sülen iba inyakyim tatembang ka dangi aruogo.
Candidate pezüpronglai Expenditure Observer nem parnoki sen indokba indang osang tejangja agütsüogo. Political party ajaki teka amteper inyakba aser Election Commission of India-i tuyuba sülen tashi anga anidakba atema EO-isa parnok tenüng sanga liasü, ta APRO sangdong ka ajanga metetdaktsü.