External Affairs Ministry-i Vijay passport meyipa agiogo

New Delhi, April 24 (Agencies): Tanü External Affairs ministry otongdar, Vikas Swarup-i twitter ajanga, “Vijay Mallya-i agütsüba telangzübatem shisadangba sülen MEA (Ministry of External Affairs)-i Passports Act S.10(3)(c) & (h) kübok pa indang passport meyipa agiogo,” ta metetdaktsü.
India nung bank balala dang nungi sen crore 9,000 dak tema apoba sentsüh moutetba atema Vijay Mallya anema ken o benoka lir. Pai India toktsür aoba sülen joko ita ka dak tema pa Britain nung lidar.
Hokolbarnü MEA-i, Centre sorkari Mallya ozüng matsüngdangi anir arutsü atema inyaktsü, ta metetdakja liasü.
Mallya anir arutsü atema onoki inyakdar, ta Hokolbarnü Vikas Swarup-i ashi.
Taoba hopta Enforcement Directorate (ED)-i, Vijay Mallya-i ken o bushisüngdangertem den meyariteper, anungji pa indang passport agientsüla, ta mepishiba  sülen ED-i benokba nung ajemdaker MEA-i Mallya indang passport agiena liasü, aser tang pa indang passport meyipa agiogo.