F-22 Raptor

Alima nung rara dang amshiba fighter jet tajungtiba aser temaba rongnung Lockheed Martin F-22 Raptor ya lir. Tensa ajak nung tsükchir temi khaloktsüba injang aser bomb nungi jenbutettsüsa iba jet dak tashi lir (Super Stealthy). Ibayongji, radar nunga mangutsüsa mesüra meputettsüsa F-22 Raptor yagi anüng tom nung kanga dang kara ayimer. F-22 tashiita yimdaktsüba ya ‘advanced twin-engine aircraft’ ajanga lir. 2005 küm US Air Force mapa nung Lockheed Martin F-22 Raptor ajemoka liasü. Lockheed Martin F-22 Raptor ya generation pungububa fighter aircraft asütsü, kong single-seat aser twin-engine inoka yanglutsü. Tsüngsang mopung kechi koma ka asüyongjia iba fighter jet atema tetsükdaktsü kecha melii anüng tom nung item tzü mopung tesahi paidoka yimzütetter. F-22 Raptor jenjang US dollar million 150 lir. Iba fighter jet yagi anüng tom nung 2,410 km/h tashi kara ayimer. Fighter jet yagi ‘Supercruise’ nung Mach 1.82 aser ‘Afterburners’ densema Mach 2 danga takaraba yimtetter, tetezü F-22 ya supersonic asütsü. Jet nung ‘advance features, ‘stealth’ aser ‘maneuverability’ aketba ajanga tanü tashi USAF-i F-22 Raptor ya rara balala ajak nung kanga sapua amshir.