F1-i 2015 Qualifying yimya benshitsü latetshir

London, April 08 (Agencies): Formula One (F1) gari toktepa anishitsü toktepba nung ‘Progressive Elimination’ masü saka 2015 qualifying yimya benshitsü asoshi latetshiogo.
F1 tetoktepba 2 tashi nung ‘Progressive Elimination’ tetendangbaren benshia tendangba sülen tetendangbarenji tetoktepbaren den mapet ta bushitetba yong kasaji agientsü lemteta liasü.
Tan agiba temelenshi ya China kübok Shanghai nung tan April ita 17 nü agitsü ayongba Chinese Grand Prix tetoktepba nungi tenzüka benshitsü renemogo.
“F1 tetoktepba nung shilem agir ajungai tezüluba nung temelenshi agitsü onük benokba sülen taoba mapang ama, F1 tetoktepba nung 2015 qualifying yimya benshitsü renemogo,” ta FIA Tir, Jean Todt-ia osang jangjashitsüogo.