F1: Jehan-i Lady Wigram Trophy agizüker

Christchurch, January 19 (Agencies): Sahara Force India Academy tenüng nung gari toktepa anishir, India nunger Jehan Daruvala-i New Zealand nung ayongba Formula One (F1) tetoktepba tongtiba indang takok marok, Lady Wigram Trophy yashi Hombar nü agizükogo.
Yaküm 2014 küm Karting tetoktepba toktsür F1 gari toktepa anishitsü tenzüksang, Jehan-i tan mezüngüa F1 takok marok agizüker lir.
“Ni mezüngbuba F1 takok marok agizüktsü maongka anguba atema kanga pelar. Tarutsü nunga takok marok angutsü merangtsü,” ta Jehan-i tesülen metetdaktsü.