F1: Monza nung Italian GP maneni agitsü

Monza, September 02 (Agencies): Italy kübok Monza nung Italian Grand Prix (GP) Formula One (F1) tetoktepba taruba küm 3 tashi ayonga agitsü tezüngzükep agishiba osang ka F1 nung Chief Executive, Bernie Ecclestone-i tanü, Hokolbar nü metetdaktsüogo.
Monza nung GP tetoktepba 65 tashi agia lir aser Monza ya alima ajunga nung GP tetoktepba timtiba agiba tetoktepdak lir.
“Monza nung tezüngzüktep zülutepa magitetba atema kanga sasar saka iba tezüngzüktep tatem küma zülutepa agitsü atema okatsürtemi nungdakba maparen inyaktsü tenzüka lir,” ta Ecclestone-i osang jangjashitsü.
2016 Italian GP tetoktepba tan Deobar nü agitsü renema lir aser iba tetoktepba atema renemshia agiba tendanga toktepba tanabuba tetoktepba nung Mercedes telok gari toktepa anishir, Germany nunger Nico Rosberg-i alizüng mezüng tanü, Hokolbar nü atongba osang jangjaogo.