F1 nung Rosberg-i trokben buba takok nguogo

Shanghai, April 17 (Agencies) : Deobarnü Mercedes F1 gari anir Nico Rosberg-i China Grand Prix nung tan agi tasembenbuba takok nguogo aser F1 gari arshitepba nung pai atonga atonga trokben takok angurba lir.
Rosberg-i Red Bull gari anisang Daniel Ricciardo jakdang süa iba takok ya angu. Daniel Ricciardo ya lap mezüngbuba nung mezüng jenjang nung liasü ajisüaka tatem dangbo jenjang pezübuba nung tembang. Pa jakdang Daniil Kvyat, Sebastian Vettel aser Rosberg nunger liasü.
Force India nungi Sergio Perez-i jenjang 11buba ngutet aser pa team-mate Nico Hulkenberg-i jenjang 15buba ngutet.
“Nenok ajak dang pelar aser Shanghai danga pelar!” ta arishi küm 30 tain, Rosberg-i Deobarnü gari arshitepba sentong temer külen twitter ajanga lemsatepa liasü.
Rosberg-i mezüng lap sülen kanga kara anitsü tenzük aser pa tangar ajak dang second 37 agi tekaraba aküm.
Red Bull nungi Kyvat-i Vettel ajatetba mapang Vettel-i tera agi jenjang 5buba nung tembangsang, pa team-mate Kimi Raikonnen dak metsükoktsü.
Ajisüaka Vettle tanabuba jenjang nung tembang aser iba sülen pai Kyvat dang lendong ajurutsüsa aniba atema o kar agüja liasü.
Kyvat-i tasembuba jenjang nung tembang.
Russia, Black Sea tzüküm nung aliba Sochi Autodrum nung ano May 1 nü FI sentong akatsü renema lir.