FAC campus nung alir tebutemi süngdong atem

Chuchuyimpang, May 28 (TYO): “Alima tajungba akümtsü asoshi tebutem ajaki süngdong temang” omen nung ajemdaker Mission Board, Union Church, Fazl Ali College Campus-i ayongzüka May 28 nü FAC college telungtet nung süngdong atemba sentong ka takok ngua inyakogo.
Campus nung aliba tebutemi pei kima süngdong kaka atemba den parnokisa college telungtet nunga süngdong kar tema yutsüogo. Mokokchung DFO aser ACF-i nüngdakba tatemtsü süngdong; Thuja, Jamon aser Gulmohor nungertem agütsü.
Tanü alima tzü-mopung menener meimchir tali majung akümba mapang ka nung, Tsüngremi yangluba kechisarena anepalua amshitsü asoshi parnokisa tayongzükba ka agütsü.