FAC-i Imnatoshi asüba mangyim

Mokokchung, Aami/June 22 (TYO): Aami/June 22 nü Fazl Ali College nung tesayurtem, staff tem aser kaketshirtemi Department of Geography nung Associate Professor, Imnatoshi asüba atema mangyimba sentong ka agiogo.
Aami 21, 2018 nü Guwahati nung Imnatoshi asü.
Pai tazüngba nung alakteta ajungba ajanga külem tesayurtem aser kaketshirtemi pa kanga akhümtsübua liasü. 2002 küm PU exam nung pai Geography nung subject topper angu aser 2005 küm BA exam nung Geography nung subject topper angu (anaprongji Fazl Ali College nungi); iba dak alia 2007 küm pai Nagaland University nungi MA nung Gold Medal ngua liasü.
2013 küm nungi tenzüka pa College nung tesayur inyak, aser külem tesayurtem aser kaketshirtemi ashiba agi, pa ya tesayur tajung ka aser pa wadang meima kanga nendaka inyaker ka liasü ta teti bilemtettsü.