FAC nung Botany aser Chemistry Deptt-i hand sanitizers yanglua alemer

March 18 nü Fazl Ali College, Mokokchung Principal, Tiamongla-i District Task Force senden amenba mapang Deputy Commissioner aser Superintendent of Police of Mokokchung nem college lab nung yangluba hand sanitizer agütsüba noksa nung angur.

Dimapur, Metsüremi/March 18 (TYO): Fazl Ali College, Mokokchung nung Department of Botany aser Chemistry-i, WHO tetuyuba nung ajemdaker hand sanitizers yanglua COVID-19 tashidak anema raraba nung shilem agidar. Shishilembadak hand sanitizers agi anüngba tebilemtsü agintsü aser jenjang azüoka ayutsü nükjidong nung paroki iba jenjang agidar.
Iba product koba commercial variant dang nungi ponguben agi tajemba agi yangluogo, iba ya college nung züngsemtem ket nungi recycled cosmetic dispensers tem bendena autoclaving agi sterilize ser idakji inoker District administration, tekülemdak aser mozükitem nung agütsüogo. Kasaji tarutsü nung banks, shishilembartem aser traffic police personnel tem nem lemtsütsü.

FAC nung Botany aser Chemistry Deptt-i hand sanitizers yanglua alemer added by nungsang on March 18, 2020
View all posts by nungsang →