Facebook ajanga “Happy Birthday” shitsü tang temelaba asütsü

New York, July 30 (Agencies): Facebook-i nüburtem ajak tamshi zübatsü asoshi amshiyim tasen ka yangluogo. Ibaji ajanga smartphone amshirtemi pei phone nungi züngdangba “1” nung dang anem nung medemer tem den tasoba anogo tepela salem lemsateptettsü.

Facebook amshirtem shirnoki ‘Facebook notifications’ tem ‘text messaging programmes’ len nunger oa yua lir, parnoki iba amshiyim tasenba ya amshitettsü, ta Tech Times osang ajanga metetdaktsüogo.

Iba amshiyim tasenba ya Facebook meyong SMS notification den külemi amshitettsü, koba ajanga tembartem dangi SMS yoktettsü.

Anungji iba ya ajanga nü nem tanü ya nü Facebook tembar ka tasoba anogo lir, ta osang agütsütsü.

Nai iba osangji ngur külen tepela osang lemsatepnera nü teinyaktsü ajak agi nü phone nung züngdangba “1” nung nemer doktsütsüba dang lir.

Iba ya ajanga mele-mela tasoba tepela osang lemsateptetsü saka nai bilema aliba teshinütsütembo aika meshitettsü.