New York, January 22, 2016: Social networking tetsüti, Facebook-i ‘Sports Stadium’ lapokogo aser iba ya ajanga saisapong ajak tasayadak nung reprangtettsü.
Facebook Sports Stadium nung nai tembartemi parnok bilemba lemsatepba ajak angutsü aser asayar telok aser osangbenertemi ashiba ajak Facebook ajanga melamela angutsü.
Asaya ka reprangdang nai iba asaya nung tatalokbatem aser nai bilembatem lemsateptettsü.
“Facebook nung saisapong sapur nisung ,million 650 lir aser ibaji ajanga Facebook ji stadium tulutiba kümdaktsür. Facebook ajanga nüburtemi pelaba aser majung angubatem lemsateper,” ta product manager, Steve Kafka-i Facebook ajanga lemsatep.
Facebook Sports Stadium lapokba sülen Sports Twitter-i memeneptsü kechiba süra ita nung Twitter amshir nisung million 320 ang lir.
Facebook ajanga saisapong tasayadak nung reprangtettsü added by asungba on
View all posts by asungba →
You must be logged in to post a comment Login