Facebook-i Manipur nunger lanur ka nem teyari agütsü

Guwahati, October 9 (Agencies) : Singapore nung aliba Manipur nunger asangur kati 2015 küm purapitetba mobile application yanglutsü atema Facebook-i pa nem US nunger sen 40,000 teyari agütsüogo.
“Facebook nungi US sen meyirjang 40 angubaji application yanglutsü, ulushidaktsütsü aser ajungkettsü atema lir. Onoki senji marketing aser Amazon AWS server infrastructure nung amshidar” ta Jobsenz ngutetsang arishi küm 35 tain Monish Karam-i osangbener dang ashi.
Facebook indang worldwide program acha-ayanger FbStart initiative ajanga mobile startups yarir aser parnoki Jobsenz shimtet.
“Onoki apply asü aser Facebook-i app junga yangluba ajiteta shim ta osang metetdaktsü. India nung iba app ya aiben download süogo” ta Karam-isa ashi.
Tesüiba mapang pa National University of Singapore aser IE Business School, Madrid nung MBA azüngdang entrepreneurship award ka angu aser iba sen jagi software product (recruitSenz) tenzük aser ibaji Singapore nung company ka dang yokdok.