Facebook-i ‘Marketplace’ ta ser feature tasen sayaogo

San Francisco, October 3 (Agencies) : Hombarnü Facebook-i “Marketplace” ta ser sabang tasen ka sayaogo aser iba ajanga Facebook züngsemtemi yokyayokji sütettsü.
Iba sabang enoksemba ajanga Facebook-i tanga online selling platforms den tokteper.
“Facebook ya nisungtem sendaktepdak ka lir aser tanü-asüng nisungtemi shishilematsü atema-a Facebook amshiba reprangtetogo” ta product manager Mary Ku-i ashi.
“Facebook Groups nung shishilemba tenzük aser tanga iba inyakyim kanga tulun kümogo. Itashia nisung million 450 den teimbai group balala nung shishilembateper” ta laisa ashi.
Facebook nung Marketplace” feature tasen ajanga züngsemtem shishilembaba nung teyari tulu angutsü. Marketplace nung noksatem sayutsü aser züngsemtemi item noksa reprangtsü akok aser pei anameta aliba meteta shishilembatettsü, ta Mary Ku-isa metetdaktsü.
Iba feature tasenba ya United States, Britain, Australia, aser New Zealand nung arishi küm 18 temapurtem atema sayatsü.