Facebook-i parnok network ajanga prangpong ayokba anendaktsütsü

New York, January 30 (Agencies): US nung prangpong lendong ajema akümtsü atema Tir Barack Obama-i nokdakba den sema social networking tetsüti Facebook-ia parnok site, mobile aser Instagram ajanga nija prangpong yoktepba anendaktsütsü.
Facebook nguteter Mark Zuckerberg-i, onok network tem ajanga prangpong tapu ajak ayokba anendaktsü sentong lir, ta Hokolbarnü ashiba cnet.com ajanga metetdaktsü.
“Tesüiba küm ana nisung aikati Facebook amshia oset yoktepa liasü,” ta Facebook nung product policy tekolakla, Monika Bickert-i sangdong ka ajanga ashi.
“Onoki oset tasentem tendanga sayaba tsütsü terenlok adokdaktsüba ajanga nüburtemi tajangshiba tajung angtsü atema meranga inyaktepdar,” ta Bickert-i ashi.
Ganja, temesepba mozü aser ozüng alema amshiba mozütem ayokba nokdangba sülen tan prangpong ayokba shibangtsürba lir, ta sangdong ajanga ashi.
Tan ita tetenzüklen Obama-i prangpong lendong ajema akümtsü mechi nung tesem aisü nung mita atatsü metetdaktsüogo.