Facebook nung joko Hindi oshi agia zülutettsü

New Delhi, April 25, 2016 : Hindi oshi jembirtem Hindi agi pei bilembatem mela mela lemsateptettsü atema Hombarnü Facebook-i ‘tool’ tasen ka inoktsüogo.

“Onoki Android phone tem atema Facebook app nung ‘Hindi editor’ inoktsür,” ta social media tetsüti Facebook-i sangdong ka ajanga ashi.

Kodang iba app ji lapokdir iba bar nungji tanemtsü talila ka adoktsü aser iba nungji nai züluba mapang Roman ojangtem Devanagari script agi melentsü.

“Kodang nüburtemi iba app ya amshidir English oshi nung ajenba ojangtemji onoki Devanagari ojang nung melentsütsü. Iba inyakyim ya tangang tenzüker anungji tarutsü mapang nung tali tajungba küma melenshia aotsü. Aji oda süaka onoki Devanagari ojangtemji shitak meputetra nüburtemi ajenloktsüji tamakoktsü asütsü,” ta sangdong ajangasa metetdaktsü.

Iba inyakyim ya India nunger atema lir aser Android app ajanga amshitettsü, ta Facebook-i metetdaktsüogo.