Facebook nung Modi sülen anidaker teimba

Delhi, February 21 (Agencies) : Alima nung nisung teimba anidakba lennirji Prime Minister Narendra Modi ta tawa sayaba 2017 “World Leaders on Facebook” study ajanga metetdaktsüogo.
Burson-Marsteller ta ser strategic communications & global public relations firm ajanga iba ya bushitet.
Ano, 2016 küm alima nung lennirtem rongnung PM Modi-i Facebook nung teimba sensaksem (likes, comments & shares) ta parnokisa bushitetba osang metetdaktsüogo.
February 1, 2017 tashi nung pai ‘interactions’ million 169 tashi liasü.
Modi sülen tanabuba jenjang nung Cambodia Prime Minister, Samdech Hun Sen lir aser pai ‘interactions’ million 58 liasü.
Tasembuba jenjang nung @ObamaWhiteHouse page lir aser parnok ‘interactions’ million 36 liasü.
Tawa ka tashi nung Facebook nung nisung teimbai anidakba alima lennirji taoba US president Barack Obama liasü.