‘Facial Recognition’ aketba LG G6+ July nung sayatsü

June 19, 2017 (Agencies): LG Electronics indang tashi tuluba kümshia LG G6 nung features tasen inoka taruba ita nungi tenzüktsü lir.
Iba tashi tasenba ya Face Print, Low Power Consumption aser Covered Lens warning nunger amala ya lir aser item features tasentem ya LG G6 amshirtemi software tasen update asüba ajanga amshitettsü. Iba kisüng masü saka iba kasa features inoka yangluba LG G6+ angutsü aser iba phone nung storage tuluba aser ola tajungba alitsü.
Phone amshir tejak ajitettsü asoshi technology balala amshia yanglua aliba phone tem dang nungi iba Face Print ya tajungba lir. LG G6 unlock asütsü atema Face Print ya amshia phone ya nisung tejak anasai aonung pasasa phone unlock asütsü. Iba kasa technology ya Samsung Galaxy S8 nunga lir. Iba phone ya tejak anasai bener aoba mapang ang camera ya pasasa activate asütsü aser iba ajanga Face Print amshidang battery tali magitsü.
Iba phone nung feature tasenba rongnung ano ka ji, Low Power Consumption ya lir, aser iba feature ya Qualcomm Hexagon DSP architecture den Qualcomm Snapdragon külemi yanglua iba LG G6 nung inoka lir.All-Ways Aware ajanga Google indang Contextual Hub Runtime Environment (CHRE) amshia data balala ya sensor aser wireless connection nungi bendener aser iba ajanga battery tashi tali magir.
LG G6 ya Optical Marine Blue aser Optical Terra Gold sentsü nung angutsü. Iba phone tesülen ya ‘lenticular film’ inoka lir. Iba phone indang display tasazük 5.7-inch ya sentsü tanak agi meketbanga inoka lir.
LG G6+ nung internal storage ya 128GB lir aser B&O PLAY indang premium earphone angur. Iba kasa phone tasenba nung 32-bit Hi-Fi Quad DAC inoka lir. Iba turbocharged LG G6+ phone atema linük kar nung wireless charger densema angutsü.