Faiz-i Messi o Neymar na den temaba jenjang angu

Kuala Lumpur, December 03 (Agencies): Malaysia nunger football asayar kati Neymar aser Lionel Messi na amala football asayar mongintem den temaba jenjang ngua, FIFA’er Top Three Goals of the Year sempet agütsütsü asoshi shimshiba asayar tarensen nung densemogo.
Midfielder Mohamad Faiz Subri-i Malaysian Super League asayamong nung par Penang state telok atema free kick takok ngua kangasa junga agütsüba sülen pa asayar temaba taresen nung densemtsü maongka angu.
Arishi küm 29 tain Faiz-i feet 115 talang nungi goal takok ngua agütsüba ajanga alima süngmangdakja liasü.
Fiaz den külemi, Brazil nunger Marlone aser Venezuela’er tetsür football asayar, Stephanie Roche na tenüng shima aliba osang jangjaogo.
Par asem nungi temaba jenjang ajangzüker tatem küma shimba sülen iba asayar nem Top Three Goals of the Year sempet taruba 2017 küm January ita 9 nü Switzerland kübok Zurich yimti nung agütsütsü renema lir.