Family Counselling Centre Sub-Committee senden amen

Mokokchung, Aami/June 29 (TYO): Aami 28, 2018 nü Mokokchung jila nung Family Counselling Centre Sub-Committee senden amen.
Senden nung taoba senden nung lemtetbatem reprangshia onük ajak mapa küma inyakba jangja. Senden nungsa taruba quarter nung Committee-i “A Healthy Family Environment for the Teenagers and Youths to Grow into Successful and Responsible Citizen” nung rangloker inyaktsü bangjema liasü.
Committee-isa pei chirnurtem junga anepalu mesütettsüsa aliba kibongtem nung kinüngtsü-kinüngbu tesendaktep mejungi aliba nung rangloker inyaktsü aser balalulaba tia nungi kibongtem kümzüktsü atema bangjema liasü.
Iba atemaji Committee-i Seminars aser penal discussion ayongzüka akatsü lemtet.
Iba senden nung SDPO, Mokokchung Dinesh Gupta IPS, Watsu Mongdang nungi Amenla, Imchawati Kichu, Managing Director, C&SS aser Yangerienla Counsellor, FCC nunger aden.