Farah Khan-i tetsür tashi sayuba film yanglutsü

november 17, 2015: “Main Hoon Na”, “Om Shanti Om” aser “Happy New Year” film tem direct asüba sülen choreographer aser director Farah Khan-i tetsür tashi sayuba (girl power) film ka yanglutsü sentong lir.

Lai, iba film ya ni tesüiba mapang yangluba film tem dang nungi tajungba asütsü, ta ashi.

“Ni iba film asoshi tang script tezüludak lir. Iba film ya tetsür ana indang otsü aser film ajanga kechisarena nung tetsüri takok ngua inyaktetba sayutsü. Film nung pelateptsü atema asayamenüa alitsü saka asayamenü nungi tangazükba angutsü,” ta Farah-i Mumbai nungi telephone ajanga IANS dang ashi.

Arishi küm 50 tain, choreographer, Farah-i ashiba agi, lar tembar Shah Rukh Khan meyong Red Chillies Entertainment ajanga iba film produce asütsü, ta ashi.

Farah ya editor aser film yanglur, Shirish Kunder den kibong aküm aser jabaso ka den jala ana dena tanur asem khen nung aso.

Pei sasa pei yanglushitsüla ta nibo bilemer. Anungji tang iba film yangluba sülen ‘Happy New Year 2’ mesüra ‘Main Hoon Na 2’ yanglunüa bilemer,” ta lai ashi.

Lai yangluba “Om Shanti Om” film tan hopta akatsü aliba 37buba Cairo International Film Festival nung sayutsü sentong lir.