Mumbai, February 23, 2016 : Actor Farhan Akhtar-i par kentener telok, Farhan Live’s, tan mezüngsüa US tour aotsü indang osang sangdongogo.
Iba kenten sentong ya anogo troknü asoshi lir aser May 20 nü Dallas, Texas nungi tenzükbaji May 29 nü Washington, D.C nung tembangtsü sentong lir.
“Wazir” film nung tongti shilem agisang Farhan ya “Rock On 2” film nung ano asenoki angutsü aser pai iba kenten sentong indang osang ya twitter ajanga metetdaktsü.
“Tan mezüngsüa aotsü aliba US tour indang osang kanga pela lemsateper….. Anogo aser yimtitem tetsünglanglen agüja lir,” ta Farhan-i Mongulbarnü twitter ajanga metetdaktsü.
Pai twitter ajanga lemsatepba poster ka nung pa teka külen agi mic amer ken tena lir. Iba poster nung tour indang mapang telemsa dena keta lir.
You must be logged in to post a comment Login