‘Fast and Furious’ movie tem yangludang oset raksaba jenjang million $500 dak tema lir

Beijing, April 16 (Agencies): “Fast and Furious” movie 8buba Hokolbar nü sayaogo. Iba movie nung nüngtugu gari arishetepba shilemtem, gari tsükokba aser apokba jangratemtsü shilemtem aliba ajanga iba movie-i sen aika ajangzüktsü asoshi imlar.
Aji saka tang tashi nung film yangludang ‘classic’ gari aser ‘super car’ tem raksaba jenjang sangdonga mali.
InsuretheGap.com-i iba film 7 tashi yangluba nung oset raksab jenjang asadangba nung nguteteba agi, sen million $541 liasü, ta osang ka ajanga metetdaktsü.
Film nung shilem agirtem rongnung timtiba raksasangji villain Deckard Shaw (Jason Statham) liasü. Pai sen million $180 jenjang oset raksa.
Mezüngbuba film nungbo oset raksaba jenjang million $1 dak nungi tajemba liasü, saka film 5buba tashi nungbo oset raksaba jenjang million $100 ajung.
Film 7buba nung sen million $300 alang garitem raksaa liasü. Item garitem rongnung alima nung tasaktiba gari rongnungi gari ka densema liasü. Tawa sayaba film nunga ano teraksaba jenjang tali ajungketsü ta imlar.