Fast & Furious 8 film direct asütsü shinga mali

Los Angeles, September 25 (Agencies): Tang alima ajunga nung sen timba aazükba film tarensen nung 5 buba jenjang ngua aliba Fast & Furious 7 film den sendaktepa yanglutsü renemba 8 buba Fast & Furious film direct asütsü shinga mal ita The Hollywood Reporter-i metetdaktsüogo.
Fast & Furious 7 film direct asür ana, Justin Lin aser James Wan napronglai tesüsaba Fast & Furious film direct mesütettsüsa akümba ajanga sangküm 2016 küm April 14 nü sayatsü sentong renemba 8 buba Fast & Furious film direct asür shinga meli kümogo.
Wan-i ‘The Conjuring2: The Enfield Poltergeist’ aser Lin-i ‘Star Trek Beyond’ film direct asütsü maparen nung tang kanga dang mazüngi aliba ajanga tenati tesüsaba Fast & Furious film direct mesütsütettsüsa akümba osang jangjaogo.
Ano külen, 8 buba Fast & Furious film ya New York yimti nung tangoka yanglutsü renemba den külemi, Britain nunger actor, Jason Statham-ia maneni ozüng alema inyaker Deckard Shaw ama film nung shilem agitsü renemba osang angazükogo.