Father School

Kinungtsü : Hai nübu dang na joko tempanger kidangi arura na ya.
Kinungbo : Haito tesüngmangtsüka melenshiteter shilangerya.
Kinungtsü : Hao tola ya nenok nem agütsü, oda pongzü chanu mapozükli ayak amai angurato ya wa wa wa.
Kinungbo : Nütsü dang na yamai temenüjo ya odangbo masüakoti. Ajungyonga, majungyonga tebu kaji hit of pimile ta ni jungjunga jangjako no. nai metettsü.
Kinungtsü : Haojaa oda teburbo tajung asoajen tajung, saka tazüngba nung sensakerji to naa. Ina nübu dang nai ashibaji nai kü dang zülua sayuba amaji masü, saka yamai ati hee. Tebu kaji hit masü Head ta aser aser pimili masü family ta züluangma. Nenok dang tebuti kaji head of the family ta shisütito.
Kinungbo : Haito yamaji ashiato. Ano oda inyakyim aika ni merajemba sayuogo nai tentanga liangno nütsü dang. Ita ishika lir külen.
Kinungtsü : Aya-a ozü tebu tu ni yamato atalayonga kecha mejashir, ain matok, aji ajem ajak toktsü, ki mapa aser tanurtema kanga anepalur ta oda niang tepelaba, tanurtemang tepelaba ta oda aonung menur tebu ola angashidang onok yamato atentena tsübutepba tu yamai melenshitet nu, ta pelatseter. Praise the Lord. Oda tebutem dang masü, tetsütem school-a alinungbo oda asen lima ya temelenshi tulu adokla naa ta tetsütem school tenzükdaktsünüa yongyaseter. Tebutem aika tetsütemi raksatsüra ja yaaaa.

Lilir : N.Saku Imsong, 4th Mile, Diphupar, Dimapur.