‘Father School’ nung adener nem certificate agütsü

Dimapur, Oct.18, 2015 : Dimapur Ao Baptist Arogo-i tebutem asoshi achaayanga akaba ‘Father School’ nung adener ano telok ka graduate ser Deobar temoatsü sentep mapang parnok nem certificate agütsüba sülen ‘Father School’ naklu ken atenba noksa nung angur. Tan iba school nung graduate asür tebutem ajak agi 55 liasü. Tang agiba telok ya zünga DABA nung Father School 6 ben kaogo. Iba mapang graduate asürtem rongnung tambutisangji arishi küm 84 tain aser tanubutisangji arishi küm 26 liasü. Tang tashi nung DABA nung tebutem school nung graduate asür 400 dak tema jungogo. Ano maneni taruba 2016 küm kasa school tenzüka aotsü aser sangkümbo DABA ajanga tanga arogo nunga kasa Father School katsüyonga aotsü telemtetba agiogo ta angazüker.