‘Fatherhood’ nung Kevin Hart-i shilem agitsü

Aenjeti/January 19 (Agencies): Sony Pictures indang taruba ‘Fatherhood’ film nung tongti shilem agidaktsütsü atema Kevin Hart anioka lir, ta osang ka ajanga metetdaktsüogo.
Paul Weitz-i direct asütsü aliba film ya America nunger author Matt Logelin indang ‘Two Kisses for Maddy: A Memoir of Loss & Love’ nung ajemdaker yanglutsü, ta kasa sangdong nung shia lir.
Logelin indang kaket nung ajemdaker Dana Stevens den Weitz densema script zülutsütsü. Iba project ya Marty Bowen, David Beaubaire, Peter Kiernan, Hart aser John Cheng nungeri produce asütsü.
‘Jumanji 2’ film tangokba maparen tembanger sülen Hart-i taruba project nung shilem agitsü renema lir. ‘Jumanji 2’ film ya 2017 küm sayaba ‘Jumanji: Welcome to the Jungle’ film den tatongtep asütsü.
Tawa, Kevin-i Bryan Cranston aser Nicole Kidman na den külemi ‘The Upside’ nung shilem agiogo.