Father’s Day

June 19, 1910 küm Father’s Day ya mezüngbuba Spokane, Washington, YMCA nung Sonora Smart Dodd-i tenzüka among. Sonora Smart Dodd tebu William Jackson Smart kinungtsü meliaka tanur trok pai dang mesütet aser pa alima raraba nung mongin ka liasü. Sonara-i 1909 küm ‘Mothers Day’ Methodist Episcopal Church nung  amungba mapang tebutema kasa tenüngsang agütsüba anogo amungtsü atema Mothers’s Day tenzükla Anna Jarvis-i Pastor dang mepishiba angazüka liasü.
Mezüngbo June 5 nü Father’s day amungtsü jembitep, saka par arogo nung  pastor-i mapang magütsütetba ajanga tasembuba Deobarnüji-ang südi ta lemteta joko alima ajunga nung Father’s Day ya linük balala nung June ita tasembuba Deobar nü küm shia amunger. Taküm agi joko Father’s Day ya  106 buba amunger asütsü.