FB-i parnok mobile web app nungi messaging ageiner

New York, June 4 (Agencies) : Social media tettsüti Facebook-i tamshirtem Messenger dangi meyipdaktsütsü nükjidong nung parnok meyong mobile web application ageiner, ta osang ajanga ashi.
Facebook amshirtem dang FB-i “Nenok message ajak Messenger-i belener aoer” ta osang agütsüdar, ta Tech website, Techcrunch.com osang ajanga metetdaktsü.
Tang tangbo FB amshirtemi iba osang shishia magitsü akok ajisüaka tatsüka lir külenbo tamshirtem dang Messenger app download süang ta ashitsü akok.
FB amshirtemi message asüba mapang tajangshiba tajung agütsüner aser ibaji atema Messenger app ya sabang tajungtiba asütsü, ta Facebook-i ashiba kasa osang ajanga metetdaktsü.
Facebook-i artificial intelligence (AI) system, “DeepText” yangluba osanga Brihostibarnü sangdongogo. “DeepText” agi FB amshirtemi post asüba oshi 20 meyipzüka angatettsü.
“DeepText” inyakyim ya Facebook Messenger nung tendangogo, ta company-i metetdaktsüogo.