FBB Colors Femina Miss India Nagaland atema audition agitsü

Kohima, Luchii/December 07 (TYO): FBB Colors Femina Miss India Nagaland atema Commissioners Guest House, Kohima nung December 10, 2018 anepdang 10:00 ako nung screening den preliminary audition repsema agitsü, ta ketdangsertem osang ka ajanga metetdaktsü.
Iba auditon atema telatetbatemji- 2019 December 31 nü tashi nung arishi küm 18-25 tsüngdapur aiürtem asütsüla aser tar tasazükji tsüngsem mesemi feet 5 ser inch 5 (5.5) aser iba dak tema asutsüla, iba dak alia aiür/aniasünga malirtem asütsüla aser Indian passport alir asütsüla, ta FBB Femina Miss India Nagaland talent partner, Beauty and Aesthetics Society of Nagaland (BASN)-i metetdaktsüogo.
BASN-isa, telatetba nung temsüa alir, aser tejangrartemi Tiarenla den phone number 8730883907 ajanga aser Lanutoshi den phone number 7005630231 ajanga tongteprateptsü parnokisa metetdaktsüogo.
Femina Miss India ya India linük jenjang nung beauty pageant tetoktepba ka lir, aser parnoki küm shia Miss World beauty pageant nung India tenüng nungi tokteptsü atema temsüa alirtem shima arudar.
Femina Miss India nung 2018 aser 2017 na nung Kr. Ropfüzhano Whiso aser Kr. Kaheli Chophy na state nungi FBB Colours Femina Miss India Nagaland shima liasü.