FBI-i Hillary Clinton metentsür

Washington, November 07 (Agencies): Democratic yimtenren telok nungi US Tir menden atema toktepla, Hillary Clinton anema benokba e-mail ken o nung lai aibelena maliba olen ka US kübok Federal Bureau of Investigation (FBI) Director, James Comey-i metetdaktsüogo.
“Ozü tenteti kanga junga bushisüngdangba sülen taküm July ita bushitetba ama, Clinton-i US linük indang miim osang e-mail ajanga yokdang lai ozüng alema meinyakba kuli tanaben ngutetshiogo,” ta Comey-i US Congress senden nung metetdaktsü.
Hillary-i tan temeten anguba ajanga US Tir election nung lai la den toktepsang, Republican telok candidate, Donald Trump den temaba jenjang maneni angutsüsa jenjang tajung angur lir.