FC Barcleona Copa del Rey quarterfinal-iogo

Barcelona, January 14 (Agencies): FC Barcelona teloki goal 2-1 agi Espanyol telok madak yashi, Bodbar nü takok anguba sülen points 6-1 agi temaba jenjang ngua tang tasayadak Copa del Rey asayamong quarterfinal nung shilem agitsü jenjang nguogo.
Tawa nungtugu Ballon d’Or sempet pungobenbuba asoshi agizüksang, Lionel Messi-i pass ball tajung yangluba ajanga külem asayar, Spain nunger Munir El Haddadi-i par Barcelona telok asoshi mezüngbuba goal agüja par telok temaba jenjang nung ajungkettsü.
Tesülen, külem sensopur, Aleix Vidal-i yangluba cross ball agizüka, Haddadi-isa tanabuba goal agüja par Barcelona telok nem takokba bener arutsü.
Athletic Bibao, Celta Vigo aser Las Palmas teloktemia Sevilla aser Mirandes telok na sülen anidaka iba asayamong quarterfinal asayatsü jenjang yashi ajangzükogo.
Inaki Williams-i goal 1 agütsüba yong par Athletic teloki goal 1-0 agi Villarreal telok madak takok ngua points 4-2 agi temaba jenjang ngua quarterfinal-i ai.
Metemsüba asayar tenüng benokba ken o nung ajemdaker Real Madrid telok asayamong nung shilem magidaktsüi merenshiba yong Celta teloki maongka tajung ngua tan asayamong quarterfinal nung shilem agitsü jenjang ajangzük.
Las Palmas telokia goal 3-2 agi Eibar telok madak takok ngua points 6-4 agi temaba jenjang ngua quarterfinal-i ai.