FCC, Mkg-i sensitization sentong ayongzük

Dimapur, Rongjui/September 30, 2019 (TYO): Women Police Station, Mokokchung nung September 30, 2019 Hombarnü Family Counselling Center of Care & Support Society-i “Women & Child and Substance Abuse” omen nung ajemdaker Sensitization sentong ka ayongzükja liasü, ta osang ajanga metetdaktsü.
Sentong tenzüka, Women Police, Officer in Charge, Imlichila Pongen-i telok pela agizükba o jembi aser iba sülen, Care and Support Society, Managing Director, Imchawati Kichu-i Care &Support Society indang sentong balalatem telok dang rasa ashi.
Family Counselling Center, Counselor, Zululemla Imchen-i Family Counselling Center indang maparen aser inyakyimtem koma achaayanga inyaker, item indang tatsü agi rasa ashi.
Maneni, kasa sentong nungsa CHILDLINE 1098 Mokokchung, Counselllor Asanaro Kichu-i CHILDLINE 1098, Mkg mapatongtem achaayanga inyakba indang tatsü agi jembia liasü. Iba sülen, Targeted Intervention, Program Manager Imyepong-i, tawa tanü temesepba mozütem (drugs) kanga bulua amshitepba aser ibaji amshiba ajanga timtem ajuruba indang onük nung ajemdaker jembia liasü.
Iba sentong nung C&SS, Managing Director, Imchawati Kichu menden liasü aser iba mapang Officer in Charge Women Police, Officer in Charge Traffic, Mkg aser Police tem aruagi denogo.