FDCI India Couture Week 2016 atema model 14 shim

New Delhi, July 3 (Agencies) : New Delhi nung FDCI India Couture Week 2016 nung shilem agitsü atema linük tesem balala nungi model 14 shimogo.
Fashion Design Council of India (FDCI) ajanga #Getnoticed female model auditions ayongzüka agi aser parnoki shimba model temi July 20-24 tashi FDCI India Couture Week 2016 nung shilem agitsü.
Taküm asoshi tetendangertem rongnung choreographer tem Anu Ahuja, Arpana Bahl, Asha Kochhar o Vidyun Singh aser fashion fraternity nungi Gaurav Gupta o Manav Gangwani nunger liasü.
“FDCI-i linük tesem balala nungi designing, choreography, styling mesüra modeling nung tajungtiba shimer” ta tanü FDCI President, Sunil Sethi-i metetdaktsü.
“Tan season nung onoki linük nungi tobur tajungtiba aser sempet aketertem kar yimjak nung sayutsü. Parnoki veteran designer indang sübosolemtsütem semer shilem agitsü” ta Sunil Seth-isa ashi.
July 24 nü designer Rohit Bal-i FDCI India Couture Week 2016 shibangtsü, ta FDCI President-isa metetdaktsü.
Rohit Bal-i küm 25 den tema fashion dak sendakba maparen inyaka arur aser pai FDCI India Couture Week 2016 shibangtsü. Rohit-i India nunger senmang kanga junga purapiteta sayur aser iba jagi India fashion nung nisungtemi pa kanga sapur, ta Seth-isa shisem.
“Taküm agitsüba sentong nung fashion fraternity nungi mongin nisung aikati shilem agitsü aser iba jagi couture week jangratemtsüka asütsü. FDCI den kü tesentaktepji ramp nung shilem agiba dang masü saka küm aika tejaklen nungi kanga dang aroka sendaktepa lir. Iba sabang ajanga kü nem maongka tulu agütsüogo” ta Rohit Bal-ia metetdaktsü.