Feb. 13 nungi tenzüka Gmail amshirtemi Javascript file meyoktettsü

New York, January 27 (Agencies): Virus balala nungi kümzüka ayutsü mechi, Gmail amshirtemi Javascript file tem February 13 nungi tenzüka meyoktettsü, ta Google ajanga sangdongogo.
“Gmail ajanga ‘security’ mechi .exe, .msc aser .bat aliba file tem meyoktettsü aser iba ama .js file tem February 13 nungi tenzüka yoktsü makoktsü,” ta Google ajanga metetdaktsü.
Tongtibang aser tejangja .js file tem ya Google Drive, Google Cloud Storage ajanga yoktsü akoktsü, ta Google ajanga sa ashi.