Feb. 14 nü Rural Media Workshop agitsü

Kohima, February 06 (TYO): Ministry of Information & Broadcasting kübok Press Information Bureau, Government of India, Kohima-i ayongzüka February 14, 2019 anepdang 10:00 ako nungi Eastgate Hotel, Chandmari Road, Midland, Kohima nung Central sorkar indang flagship programme kar indang Rural Media Workshop ka agitsü, ta tanü ketdangsertem osang ka ajanga metetdaktsü.
Iba workshop ayongzükba nükjidong ya osang sangdongba maparen nung Press Information Bureau aser osangbenertem na tsüngda tajungba amalitepa inyaktsü aser onük balala nung osangbenertem tebilemba lemsateptsü atema lir, ta kasa osang ajanga metetdaktsü.