Feb. 20 nü CCLB lokti senden agitsü

Kohima, February 15 (TYO): Chokri Chakhesang Literature Board (CCLB) 6buba lokti senden den repsema Chokrimi Range/Area Public Organisations senden February 20, 2019 nü Phusachodu yimdak 10:00 ako nungi agitsü, ta CCLB Joint Secretary, Kuzhovesa Soho-i sangdong ka ajanga metetdaktsü.
Iba senden nung tongti o jembirji Convenor Advisory Board, CCLB, Zhovehü Lohe asutsü aser Shetsöyi Rüho o Zapra Chakhesang natia o tatsütsü jembitsü.
Senden anaji CCLB Chairman, Jolayi Nienu aser Centre Chakhesang Public Organization (CCPO) President, Nehusa Cükhamu na leniba nung agitsü.
Anogo piyong senden nung agitsü shilem rongnung- kümsük tasenba atema CCLB office ketdangpurtem agizüktsü, Chokrimi Public Organization tentettsü, sobaliba ken atentsü, General Secretary (Admn) aser Treasurer osangtem agutsütsü.
Iba sentong host ji Phusachodu Village Council asutsü.
Iba dak sendakba nung CCLB Executive Body aser Committees züngsem ajak, Range/Area Presidents tajemba agi nübo anana, Chokri yim ajak nungi Village Council Chairman, Pastors aser Chokrimi yimtsüyimbotem adentsü atema kasa sangdong ajanga mepishia metetdaktsüogo.