Feb. 25 nü DDGBA office ketdangpurtem senden amentsü

Dimapur, February 22 (TYO): DDGBA (Dimapur District GB’s Association) kübok office ketdangpurtem rongdak senden ka February 25, 2019 anepdang 10:00 ako nungi DDGBA indang office, Dimapur nung amentsü, aser iba senden nung DDGBA dak sendakba onüktem nung o lemteptsü, anungji office ketdangpur ajak dang iba senden nung medema adentsü mepishir, ta DDGBA sangdong ka nung metetdaktsü.
Iba dak alia February 26, 2019 nü Dimapur airport nung RN Ravi (Dy.Director NSA & Interlocutor) agizüktsü atema DDGBA kübok unit 8 pronglai tajemba agia GBs 20 bosa GB indang Uniform (waistcoat) agir yoktsüla; anepdang 10:00 ako nungbo airport atongtsüla, ta kasa osang ajanga metetdaktsü.